شروط الشراكة للمطاعم والمحلات

آخر تحديث 7 أكتوبر 2026

الشروط دي بتنظّم الشغل بين محلك وجمبك والكباتن والعملاء. لازم توافق عليها قبل ما تبدأ تستقبل طلبات، ولو اتغيرت هنطلب موافقتك تاني.

1الانضمام والمستندات

المطاعم والمحلات: سجل تجاري وبطاقة ضريبية سارية، ورخصة مزاولة النشاط، وشهادة القيمة المضافة لو المحل مسجّل فيها.
مطابخ البيوت (أكل أمهات): بطاقة الرقم القومي لصاحبة المطبخ، وأي شهادة صحية بتطلبها الجهات المختصة.
بطاقة صاحب المحل أو المفوّض بالتوقيع، وبيانات الحساب البنكي أو المحفظة اللي هتستلم عليها مستحقاتك.
المحل مش بيتفعّل غير بعد ما المستندات تتراجع وتتقبل، ولازم يبلّغنا بأي تغيير فيها.

جمبك بتاخد عمولة متفق عليها من قيمة كل طلب، ونسبتها بتتحدد في اتفاق كل محل حسب حجمه ومكانه.
أي رسوم انضمام أو رسوم مقابل مزايا تسويقية بتتوضحلك وتوافق عليها قبل ما تتطبق.
العمولة والرسوم بتظهر لكل طلب في صفحة الفلوس وفي كشف حسابك.

مستحقاتك بتتحوّل بشكل دوري على الحساب أو المحفظة المسجلة، بعد خصم العمولة والرسوم وأي تعويضات أو مرتجعات على المحل.
لو عليك مستحقات لجمبك، بتسددها بالتحويل على الأرقام اللي في صفحة الفلوس، وكل حركة بتتسجل في كشف حسابك.

أسعار المنيو على جمبك نفس أسعار المحل أو قريبة منها، ومن غير مبالغة تضر بالعميل.
المنيو والأسعار والصور لازم يكونوا محدّثين. لو صنف خلص، اقفله من المنيو على طول بدل ما تلغي الطلبات.
العروض والخصومات اللي بتعملها بتتحمل تكلفتها بالكامل. أكواد جمبك (زي أكواد البلوجرز) جمبك هي اللي بتتحملها.

المحل مسؤول لوحده مسؤولية قانونية وصحية كاملة عن سلامة الأكل ومكوناته وجودة التجهيز والتغليف.
الطلب يتجهز زي ما العميل طلبه بالظبط، ويتقفل الكيس كويس عشان يوصل سليم.

تقبل الطلب أول ما يوصلك، ووقت التجهيز اللي بتحدده لازم يكون حقيقي عشان الكابتن ميستناش.
تأخير التجهيز المتكرر بيأثر على ظهور المحل في التطبيق.

متلغيش طلب بعد ما قبلته. لو ألغيته لعدم توفر حاجة، ممكن تتطبق غرامة، وبيأثر على تقييم المحل وظهوره.
لو الكابتن كان دفع تمن الأكل والطلب اتلغى بسبب المحل، المبلغ بيرجعله كامل من مستحقات المحل.

لو التوصيل بكباتن جمبك، جمبك مسؤولة عن الاستلام والتوصيل ووقته.
لو التوصيل بطيارين المحل، المحل مسؤول قدام العميل عن وقت التوصيل وسلامة الأكل لحد باب البيت.

لو الكابتن وصل للعميل ومردّش أو رفض يستلم، الدعم بيحاول يكلّمه، ولو مردّش بيفتح رحلة مرتجع والكابتن بيرجّع الأوردر للمحل.
مفيش فلوس بتتدفع في المحل. المحل بيستلم الأوردر، والكابتن بيسجّل اسم المسؤول ويصوّر الأوردر جوه المحل.
تمن الأكل اللي الكابتن دفعه بيرجعله في محفظته من جمبك. لو المحل استلم الأكل، تمنه بيتخصم من مستحقات المحل.
لو المحل رفض يستلم، الدعم بيتأكد من المحل، والكابتن بيحتفظ بالأكل، وجمبك أو المحل بيتحمل التمن حسب سبب المرتجع.
مصاريف التوصيل بتتحسب على العميل في طلبه الجاي، والعميل اللي بيكرر ده بيتوقف.

لو العميل استلم أكل غلط أو ناقص أو تالف، الدعم بيراجع الشكوى بالصور.
لو اتأكد إن الغلط من المحل، العميل بيتعوّض (خصم أو رد فلوس)، وقيمة التعويض بتتخصم من مستحقات المحل.

العملاء بيقيّموا الأكل والخدمة، والتقييم الضعيف المتكرر أو الشكاوى الكتير ممكن توقف المحل مؤقتًا لحد ما نراجع.
التلاعب بالطلبات أو الأكواد أو الأسعار بيوقف الحساب نهائيًا.

بيانات العملاء (الرقم والعنوان) للطلب بس. ممنوع تستخدمها في أي حاجة تانية أو تشاركها.