الشروط والأحكام

آخر تحديث 7 أكتوبر 2026

باستخدامك لجمبك إنت موافق على الشروط دي. اقراها كويس.

1الخدمة

جمبك منصة بتوصّلك بالمطاعم والمحلات والأمهات اللي بيطبخوا من البيت والكباتن في مدينتك. المطعم أو المحل هو المسؤول عن جودة الأكل والمنتجات.
خدمة "هاتلي" و"وصّلي" بتنفذها كباتن مستقلين جوه حدود المدينة بس.

الأسعار اللي بتظهر في السلة هي اللي بتدفعها، والسيرفر هو اللي بيحسبها.
رسوم التوصيل بتتحسب حسب المسافة من المحل لعنوانك، إلا لو المحل بيوصّل بطياريه بسعر محدد أو مجانًا.
رسوم الخدمة ثابتة وظاهرة قبل ما تأكد الطلب.
تقدر تدفع كاش للكابتن عند الاستلام، أو أونلاين بالبطاقة أو المحفظة الإلكترونية عن طريق كاشير (بوابة دفع معتمدة)، والدفع الأونلاين عليه رسوم صغيرة ظاهرة قبل التأكيد.
لو الدفع أونلاين والتوصيل بعروض الكباتن، بتدفع أقصى سعر توصيل وبعد ما تختار الكابتن الفرق بيرجع محفظتك على طول.
جمبك مابتحفظش بيانات بطاقتك. لو اخترت تحفظ البطاقة، كاشير هو اللي بيحفظها، وكل دفعة بيها بتطلب الـ CVV وكود البنك.
كل الأسعار بالجنيه المصري. رصيد المحفظة للاستخدام جوه جمبك بس ومابيتسحبش كاش.

تقدر تلغي الطلب ببلاش قبل ما المطبخ يبدأ يجهّزه. بعد كده الإلغاء بيكون عن طريق الدعم.
لو فيه مشكلة في الطلب افتح شكوى من صفحة الطلب خلال 24 ساعة، ولو اتأكدت هيرجعلك حقك. التفاصيل الكاملة في سياسة الإلغاء والاسترجاع.
لو الكابتن وصل لعنوانك ومردّتش أو مستلمتش الطلب، الطلب بيرجع للمطعم ومصاريف التوصيل بتتضاف على طلبك الجاي. لو اتكرر، الطلب من حسابك بيتوقف لحد ما الدعم يراجع.

ممنوع تطلب حاجات ممنوعة قانونًا أو خطيرة، أو تبعت فلوس أو مستندات رسمية.
سعر المشتريات الفعلي بيظهر بالفاتورة، ومن حقك ترفض لو زاد أكتر من النسبة المسموحة.

ممنوع الإساءة للكباتن أو المحلات، أو التلاعب بالموقع أو الأكواد، أو أي استخدام بيضر الخدمة. ده ممكن يوقف الحساب.

بنعمل كل اللي نقدر عليه عشان الطلب يوصل في ميعاده، لكن ممكن يحصل تأخير لأسباب برا إيدينا.